कृषि विकास बैंक Agriculture Development Bank Limited को लाभांश सुरक्षित गर्ने आज फागुन १५ गते अन्तिम दिन रहेको छ। बैंकले चैत्र १५ गते साधारणसभा गर्दैछ । साधारणसभा प्रयोजनको लागि बैंकले फागुन १६ गते बुक क्लोज गर्ने भएकोले आज फागुन १५ गतेसम्म कायम शेयरधनीले मात्र साधारणसभामा भाग लिन र प्रस्तावित लाभांश पाउन सक्ने छन् ।
बैंकले लगानीकर्तालाई ७४/७५ को मुनाफाबाट ६ प्रतिशत बोनस शेयर र १५.०५३ (कर समेत) गरी कुल २१.०५३ प्रतिशत लाभांश वितरण गर्ने प्रस्ताव गरेको छ । त्यस्तै बैंकले नेपाल सरकारको नाममा रहेको अग्राधिकार शेयरमा समेत ६ प्रतिशत नगद वितरण गर्ने प्रस्ताव गरेको छ ।
हाल कम्पनीको चुक्ता पुंजी ८ अर्ब ५० करोड रहेकोमा प्रस्तावित बोनसपछि कम्पनीको पुंजी ९ अर्ब नाघ्ने छ ।