आफ्ना पुराना मागहरु पुरा गर्न नियमनकारी निकायहरुले चासो नदिएको भन्दै सेयर लगानीकर्ता दवाब समूहले आन्दोलनका कार्यक्रम सार्बजनिक गरेको छ । सरकारले गठन गरेको अध्ययन समितिले दिएको ५८ बुँदे सुझाव मध्ये केहि कार्यन्वयनमा आएको तर अधिकांश माग आलटाल गरिएकोले आन्दोलनको कार्यक्रम सार्बजनिक गरेको समुहले जनाएको छ ।
बैशाख १ देखि अनिवार्य गर्ने भनिएको प्यान स्वच्छिक हुनु पर्ने र क्यापिटल गेन ट्याक्स अन्तिम हुनु पर्ने माग समेत समुहले थपेको छ । साथै यस पटकको आन्दोलनमा अर्थमन्त्रीको राजिनामा मुख्य माग रहेको दबाब समुहले जनाएको छ ।
यस्ता छन् आन्दोलनका कार्यक्रमहरु :
चैत ९ गते अर्थमन्त्रीको बर्खास्तीका लागि प्रधानमन्त्री अनुरोध गर्ने ।
चैत १० गते धितोपत्र बोर्डका अध्यक्ष र कार्यकारी निर्देशकको घर घेराउ गर्ने।
चैत ११ गते नेप्सेका अध्यक्ष र प्रमुख कार्यकारीको घर घेराउ गर्ने ।
चैत १२ गते सिंहदरबार क्षेत्रमा कालो बेलुन उडाउने।
चैत १३ गते धितोपत्र बोर्डमा तालाबन्दी गर्ने ।
चैत १४ गते लगानी सम्मेलनमा आउने विदेशी पाहुनाहरुलाई नेपालको पूँजीबजार बारे अवगत गराउन विवरणपत्र बुझाउने।
चैत १५ गते लगानी सम्मलेनमा विदेशी पाहुनाहरुसँग छलफल गर्ने।
चैत १६ गते प्रधानमन्त्री र अर्थमन्त्री जाने सार्वजनिक कार्यक्रममा विरोध प्रदर्शन गर्ने ।