एभरेष्ट इन्स्योरेन्सले हकप्रद निष्काशनको अनुमति माग गर्दै नेपाल धितोपत्र बोर्डमा आवेदन दिएको छ । कम्पनीले फागुन १५ गते शेयर निष्काशनको अनुमति माग गरेको हो ।
कम्पनीले १:३ को अनुपातमा ३ सय प्रतिशत हकप्रद निष्काशनको अनुमति मागेको हो । बोर्डबाट अनुमति पाएपछि कम्पनीले ८२ करोड १९ लाख ४७ हजार ५ सय रुपियाँ बराबरको ८२ लाख १९ हजार ४ सय ७५ कित्ता शेयार निष्काशन गर्ने छ ।
कम्पनीले यस अघि १ सय ५ प्रतिशत संस्थापक हकप्रद निष्काशन गरेको थियो । उक्त हकप्रदपछि कम्पनीमा संस्थापक तथा साधारण सेयरधनीको स्वामित्व ५१ : ४९ प्रतिशत कायम भएको छ ।
३ सय प्रतिशत हकप्रदपछि कम्पनीको चुक्ता पुंजी एक अर्ब ९ करोड ५९ लाख रुपैयाँ कायम पुग्नेछ ।