एनएमबि बैंक NMB Bank Limited ले फागुन ३० गतेदेखि निष्काशन गरेको ऋणपत्रमा आवेदन दिने म्याद थप गरिएको छ । कम्पनीले यस अघि छिटोमा चैत्र ४ गते बिक्रि बन्द गर्ने जनाएकोमा पर्याप्त आवेदन नपरेपछि म्याद थप गरिएको हो । अब ऋणपत्रमा चैत्र १४ गतेसम्म आवेदन दिन सकिने छ ।
बैंकले कुल ३० लाख कित्ता मध्ये ४० प्रतिशतले हुन आउने १२ लाख कित्ता अर्थात एक अर्ब २० करोड रुपैयाँको ऋणपत्र सर्वसाधारणका लागि जारी गरेको हो । यसबाट ६० हजार कित्ता सामुहिक लगानी कोषको लागि छुट्याइएको छ। बाँकी रहेको १८ लाख कित्ता अर्थात एक अर्ब ८० करोड बराबरको ऋणपत्र व्यक्तिगत तवरबाट ( प्राइभेट प्लेसमेन्ट) बिक्री हुने बैंकले जनाएको छ । दश बर्षे यस ऋणपत्रमा बैंकले बार्षिक दश प्रतिशत ब्याज दिने छ।
ऋणपत्रको निश्कासनको लागि सिद्धार्थ क्यापिटल लिमीटेड बिक्रि प्रबन्धक रहेको छ। यस ऋणपत्रले ’इक्राएनपि एलए माइनस’ को रेटिंग पाएको छ । यसले ऋणपत्रमा न्युन जोखिम जनाउछ ।
ऋणपत्रमा सम्पूर्ण आश्वा सदस्य बैंक तथा वित्तीय संस्था र मेरो शेयर मार्फत अनलाइनबाट समेत आवेदन दिन सकिने छ ।
