गुराँस लाइफ इन्स्योरेन्सले चैत २८ देखि हकप्रद निष्काशन गर्ने भएको छ । कम्पनीले २:१ को अनुपातमा ५० प्रतिशतको दरले २९ लाख ७० हजार कित्ता हकप्रद निष्काशन गर्न लागेको हो ।
हकप्रद निष्काशनको लागि कम्पनीले चैत्र ६ गते बुक क्लोज गर्ने निर्णय गरेको छ । चैत्र ५ गतेसम्म कायम रहेका शेयरधनीले हकप्रद भर्न सक्ने छन् । हकप्रद भर्नको लागि लक्ष्मी क्यापिटल बिक्रि प्रबन्धक रहेको छ। लगानीकर्ताले जेठ १ गते सम्म हकप्रद भर्न सक्ने छन् । सम्पूर्ण आश्वा अनुमति प्राप्त बैंक तथा वित्तीय संस्थाबाट हकप्रद भर्न सकिने छ ।
हाल कम्पनीको चुक्ता पुंजी ५९ करोड ४० लाख रहेको छ । कम्पनीले आर्थिक बर्ष ७३/७४ को मुनाफाबाट ८ प्रतिशत बोनस शेयर वितरण गर्दै छ । बोनस पारित गर्न कम्पनीले चैत्र २१ गते साधारणसभा डाकेको छ । ५० प्रतिशत हकप्रद र ८ प्रतिशत बोनसपछि कम्पनीको चुक्ता पुंजी ९३ करोड ८५ लाख पुग्ने छ ।
त्यसपछि इन्स्योरेन्सले शतप्रतिशत हकप्रद निष्काशन गर्ने प्रस्ताव गरेकोछ । शतप्रतिशत हकप्रद निष्काशन पश्चात चुक्ता पुंजी १ अर्ब ८७ करोड पुग्ने छ ।
