नेपाल स्टक एक्चेन्ज नेप्सेको कारोबार प्रणालीमा पुन समस्या देखिएको छ । पटक पटक समस्या देखिने गरेको नेप्से प्रणालीमा बुधबार पनि समस्या देखिएको हो । बुधबार १ बजेर ४२ मिनेटदेखि लगानीकर्ताले कारोबार गर्न पाएका छैनन् ।
नेप्सेका अनुसार ब्रोकर प्रणाली (TMS) होस्टिंग भएको डाटा सेन्टर (डाटा हब) को Router/Firewall मा समस्या आएको हो । यसका कारण कुनै पनि ब्रोकरहरुले प्रणालीमा लग इन गर्न सकेका छैनन।
हाल Secondary /Firewall बाट प्रणाली संचालन गर्न को लागि आबश्यक व्यवस्था गरिन लागेको नेप्सेले जनाएको छ। साथै समस्या आएको अवधि बराबरको कारोबार समय थपिने नेप्सेले जनाएको छ । ७० मिनेट भन्दा बढी समय कारोबार रोकिएकोले त्यति नै बराबरीको समय थपको लागि छलफल भईरहेको नेप्से प्रबक्ता मुरहरी पराजुलीले बताए । पराजुलीले NOTS (नेप्सेमा होस्टिंग भएको प्रणाली) मा कुनै समस्या नरहेको स्पस्ट पारेका छन्।