नेपाल स्टक एक्स्चेन्ज नेप्सेमा सोमबार माउन्टेन हाइड्रो नेपाल लिमिटेडको शेयर कारोबार खुला भएको छ । कम्पनीको MHNL सिम्बल बाट कारोबार खुला भएको हो । पहिलो कारोबारको लागि नेप्सेले ९३.७५ देखि २८१.२५ रुपैयाँसम्मको रेन्ज तोकेको छ । नेप्सेले पहिलो कारोबारको लागि कम्पनीको नेट वर्थको ३ गुणासम्मको सुरुवाती रेन्ज तोकेको छ ।
बिहिबार माउन्टेन हाइड्रो नेपालको १ करोड २५ लाख कित्ता शेयर सुचिकृत भएको हो । नेप्सेले तोकेको प्रि ओपन सेसन अर्थात ११ बजे भन्दा पहिले नै पहिलो कारोबार भएर मूल्य तोकिएपछि ११ बजेपछि शेयरको नियमित कारोबार हुनेछ । यदि प्रि ओपन सेसनमा कारोबार नभएर मूल्य कायम नभएमा अर्को दिन पुन प्रि ओपन सेसनमा शेयरको कारोबार गर्नु पर्ने छ ।
कम्पनीले सर्वसाधारणलाई १८ लाख १६ हजार १ सय १० कित्ता शेयर निष्काशन गरेको थियो । कम्पनीले पाँचथरको फिदिम गाविसमा २१.६ मेगावाटको तल्लो हेवाखोला जलविद्युत आयोजना निर्माण गरिरहेको छ ।