उन्नति माइक्रोफाइनान्स Unnati Microfinance Bittiya Sanstha Limited को हकप्रद बाँडफांड भएको छ । बिक्रि प्रबन्धक सिद्धार्थ क्यापिटलले बैशाख ३ गते मंगलबार हकप्रद शेयर बाँडफांड गरेको हो ।
कम्पनीले फागुन १३ गतेदेखि ५:१ को अनुपातमा २० प्रतिशत हकप्रद निष्काशन गरेको थियो । कम्पनीले निष्काशन गरेको १ लाख १० हजार कित्ता मध्ये १ लाख १ हजार १ सय ५ कित्ताको लागि मात्र आवेदन परेको क्यापिटलले जनाएको छ । रित पुर्वक आवेदन दिने सबैलाई शेयर बाँडफांड गरिएको हो ।कम्पनीले बिक्रि हुन् नसकेको ८ हजार ८ सय ९५ कित्ता शेयर लिलाम गर्ने छ ।
कम्पनीले गत आर्थिक बर्षको मुनाफाबाट ४०.५० प्रतिशत बोनस प्रस्ताव गरेको छ । हकप्रद र बोनसपछि कम्पनीको चुक्ता पुंजी ८ करोड ८० लाख पुग्ने छ ।