नेपाल स्टक एक्चेन्ज नेप्सेमा नयाँ उप सूचक थपिएको छ । नेप्सेमा आइतबारबाट सामुहिक लगानी कोषको छुट्टै उपसुचक थपिएको हो । नेप्सेले गत बैशाख २० गते सामुहिक लगानी कोषको लागि छुट्टै उप सूचक बनाउने निर्णय गरेको थियो ।
सामुहिक लगानी कोषको उप सूचक थपिएसंगै नेप्सेमा उपसूचकको संख्या १२ पुगेको छ । यस अघि नेप्सेमा बैंकिंग, ट्रेडिङ, होटेल, डेभलपमेन्ट बैंक, हाइड्रोपावर, फाइनान्स, निर्जीवन बिमा, जीवन बिमा, उत्पादन, माइक्रोफाइनान्स र अन्य उपसमूह हरु थिए ।