नेपाल स्टक एक्सचेन्ज नेप्सेमा कालिका कालिका लघुवित्त वित्तीय संस्थाको कारोबार रोक्का भएको छ । कम्पनी मर्जरमा जाने भएकोले कारोबार रोक्का भएको हो ।
कम्पनीले जनसेवी लघुवित्तसंग गाभ्ने गाभिने सम्झौतामा हस्ताक्षर गरेको हो । कालिकाका तर्फबाट सञ्चालक समिति अध्यक्ष कृष्ण खाँण र जनसेवीकातर्फबाट सञ्चालक समिति अध्यक्ष विकास गौचनले सम्झौता पत्रमा हस्ताक्षर गरेका हुन् ।
स्याङ्जाको वालिङमा केन्द्रीय कार्यालय रहेको कालिका राष्ट्रियस्तरको लघुवित्त हो। जनसेवीको केन्द्रिय कार्यालय पर्वतको कुश्मामा रहेको छ ।जनसेवी १० जिल्ला कार्यक्षेत्र रहेको लघुवित्त हो ।
कालिकाको चुक्ता पुँजी हाल १० करोड ८० लाख रुपैयाँ रहेको छ भने जनसेवीको ९ करोड ८० लाख चुक्ता पुँजी रहेको छ। जनसेवीले हालै मात्र आईपिओ निष्काशन गरेको थियो ।
यस अघि गत ३१ गते मिर्मिरे माइक्रोफाइनान्स वित्तीय संस्था, नागबेली लघुवित्त वित्तीय संस्था र किसान माइक्रोफाइनान्स वित्तीय संस्थाले एक आपसमा मर्जरमा जाने सम्झौता गरेका थिए । पछिल्लो समय लघुवितहरु मर्जमा जाने क्रम बढेको छ ।
