साधारणसभा गरेको १५ दिन मै कुमारी बैंक Kumari Bank Limited ले बिशेष साधारणसभा आह्वान गरेको छ । बैंकले आगामी जेठ ३१ गतेको लागि बिशेष साधारण सभा आह्वान गरेको हो । बैंकको सभा काठमाडौँको डिल्लीबजार स्थिति अमृतभोग पार्टी प्यालेसमा अपरान्ह १२:३० बजे सुरु हुनेछ ।
बैंकले संचालकहरुको निर्वाचन गर्न बिशेष साधारणसभा डाकेको हो । जस अन्तर्गत संस्थापक शेयरधनीको तर्फबाट २ जना संचालक र साधारण शेयरधनीको तर्फबटा २ जना संचालकको लागि निर्वाचन हुने छ । यस अघि पाटन उच्च अदालतले तत्काल निर्वाचन प्रक्रिया नगर्न अनतरिम आदेश दिएको थियो । एक महिला शेयरधनीले कम्तिमा एक जना महिला संचालक हुनु पर्ने ब्यबस्था माग गर्दै अदालतमा रिट दायर गरेकी थिइन् । अदालतले त्यसको सुनुवाई गर्दो कुनै पनि निर्वाचन नगर्न आदेश दिदै दुवै पक्षलाई छलफलमा बोलाएको थियो ।
अदालतले दुवै पक्षसंगको छलफलपछि जेठ १० गते निवेदकको रिट खारेज गर्दिएपछि निर्वाचनको बाटो खुलेको हो । साधारणसभा प्रयोजनको लागि बैंकले २० गते बुक क्लोज गर्ने निर्णय गरेको छ । जेठ १९ गतेसम्म कायम शेयरधनीले साधारणसभामा भाग लिन सक्ने छन् ।
बैंकले गत बैशाख २६ गते मात्र १७ औ र १८ औ बार्षिक साधारण सभा गरेको थियो । सोहि साधारणसभाले लाभांश प्रस्ताव पारित गरिसकेको छ ।
