अनलाईन कारोबार मार्फत खरिद गरिएको शेयरको भुक्तानी अब अनलाइन बाट नै गर्न सकिने भएको छ। ४८ वटा बैंक तथा वित्तीय संस्थालाई समाबेश गरेर पहिलो चरणको बैंक इन्टीग्रेसनको सुरु भएको हो । बिहीबार नेपाल क्लियारिंङ हाउस एनसीएचएल र ब्रोकरबीच सेटलमेन्ट लिङ्क जोडिएसँगै अनलाइन भुक्तानी सुरु भएको हो ।
नेप्से र एनसीएचएलले दुई चरणमा गरेर बैंक इन्टीग्रेसनको काम सुरु गरेका हुन । जस अनुसार पहिलो चरण आइतबारबाट सुरु भएको हो । पहिलो चरण कार्यन्वयनमा आएसंगै लगानीकर्ताले आफुले खरिद गरेको शेयरको पैसा अनलाइन मार्फत नै ब्रोकरको खातामा पठाउन सक्ने छन् । पहिलो चरणमा आफुले दिनु पर्ने पैसा मात्र अनलाइन मार्फत तिर्न सकिने छ । ब्रोकरले आफ्नो खातामा पैसा आएपछि लगानीकर्ताको खातामा पैसा पठाईदिने छन् ।
दोस्रो चरण कार्यन्वयनमा आएपछि आफुले पाउने पर्ने पैसा पनि अनलाइन मार्फत नै आउँने छ । अर्थात् आफुले शेयर बिक्रि गर्दा ब्रोकरले शेयर बिक्रि गरे वापत पाउनु पर्ने पैसा सिधै अनलाइन मार्फत आफ्नो खातामा हालिदिने छ । पहिलो चरणमा देखिएको कमीकमजोरी समाधान गरेर एकदेखि २ हप्तामा दोस्रो चरण कार्यन्वयन ल्याउने नेप्सेले जनाएको छ ।
यस अघिसम्म अनलाइनबाट शेयर खरिद गर्न मिले पनि त्यसको भुक्तानीको लागि चेक नै प्रयोग गर्नु पर्ने बाध्यता थियो । अब दुवै चरण कार्यन्वयन भएसंगै आफुले पाउनु पर्ने पैसा पाउन र आफुले तिर्नु पर्ने पैसा पाउन चेकको प्रयोग गर्नु पर्ने छैन ।
हाल २२ बाणिज्य बैंक सहित ४८ वित्तीय संस्थाहरु यस प्रणालीमा सहभागी छन् । यी ४८ बैंक तथा वित्तीय संस्थामा खाता हुने अहिले पहिलो चरणको सेवा र दोस्रो चरण सुरु भएपछि पूर्ण बैंक इन्टीग्रेसनकोको सुबिधा लिन सक्ने छन् ।
६ वटा बाणिज्य बैंकहरु अझै पनि कनेक्टआईपीएसमा नजोडिएकोले त्यस बैंकका ग्राहकहरुले बैंक इन्टीग्रेसनको सेवा पाउने छैनन् । हाल स्ट्याण्डर्ड चार्टर्ड बैंक, नेपाल एसबिआई बैंक, राष्ट्रिय बाणिज्य बैंक, नेपाल इन्भेस्टमेन्ट बैंक, कृषि विकास बैंक र हिमालयन बैंक हालसम्म पनि यस प्रणालीमा जोडिएका छैनन। यी बाणिज्य बैंकहरु प्रणालीमा नजोडिएकोले यीनमा खाता भएका ग्राहकले बैंक इन्टीग्रेसनको सेवा पाउने छैनन ।
नेप्सेले सबै बैंकहरुको लागि सिस्टम तयार रहेको बताएको छ । तर बैंकहरु र ब्रोकरले नै इच्छा नदेखाएको नेप्सेको दाबी छ । उनीहरु आएमा तत्काल नै यी बैंक पनि कनेक्ट आईपीएसमा आवद्द हुने र लगानीकर्ताले सबै बैंकबाट बैंक इन्टीग्रेसनको सुबिधा पाउन सक्ने छन् । यस बाट लगानीकर्तालाई असहज हुने भएको छ।
कनेक्ट आईपीएसमा आवद्द बैंक तथा वित्तीय संस्थाको सुची हेर्न यहाँ क्लिक गर्नु होला ।
यो पनि :
