नबिल इन्भेष्टमेन्ट बैंकिङ्ग लिमिटडले निष्काशन गरेको नबिल ब्यालेन्स फण्ड २ सामुहिक लगानी कोषको इकाई बाँडफांड भएको छ । नबिल बैंक कोष प्रबन्धक तथा नबिल इन्भेष्टमेण्ट बैंकिंङ्ग योजना व्यवस्थापक रहेको उक्त योजनाको इकाई शुक्रबार बाँडफांड भएको हो ।
कम्पनीले बैशाख ५ गतेदेखि जेठ ३ सम्म प्रति ईकाइ मुल्य १० का दरको बाह्र करोड ईकाइ निष्काशन गरेको थियो। जस मध्ये एक करोड ६८ लाख इकाई योजना नबिल बैंकको लागि र १२ लाख इकाई व्यवस्थापक नविल इन्भेष्टमेन्ट बैंकिङका छुट्याइएको थियो । बाँकि १० करोड २० लाख इकाईको लागि सर्वसाधारणले आवेदन दिएका थिए ।
निष्काशनमा ३४ हजार १४१ आवेदकहरुबाट जम्मा १० करोड ४२ लाख २६ हजार ७३० का लागि आवेदन परेको थियो। तर १ हजार ४३ जना आवेदकको १ करोड २ लाख ८६ हजार ७६० इकाई रद्द भएको नबिल इन्भेष्टमेण्ट बैंकिंङ्गले जनाएको छ । बाँकि रहेका ३३ हजार ९८ आवेदकहरुलाई ९ करोड ३९ लाख ३९ हजार ९७० बाँडफांड भएको छ ।
बीज पूँजी समेत गरी योजनाको आकार १ अर्ब ११ करोड ९३ लाख ९९ हजार ७ सय हुन आएकोले सो आकारलाई राउण्डअफ गरी योजना व्यवस्थापकले ६०,०३० ईकाइ बीज पूँजीको रुपमा थप गरी योजनाको आकार एक अर्ब बाह्र करोड बनाएको छ ।