नेपाल इन्भेष्टमेन्ट बैंक Nepal Investment Bank Limited ले आज जेठ २४ गतेदेखि ऋणपत्र निष्काशन बिक्रि खुला गरेको छ । बैंकले प्रतिऋणपत्र एक हजार रुपैयाँका दरले २ अर्ब बराबरको २० लाख कित्ता ऋणपत्र निष्काशन गरेको हो ।
बैंकले २० लाख कित्तामध्ये ८ लाख कित्ता सर्वसाधरणका लागि निष्काशन गर्ने छ र सो मध्ये ५ प्रतिशत अर्थात् ४० हजार कित्ता ऋणपत्र सामूहिक लगानी कोषलाई छुट्याइएको छ । सर्वसाधारण लगानीकर्ताले न्यूनतम २५ कित्तादेखि १ लाख कित्तासम्मका लागि आवेदन दिन सक्नेछन । संस्थागत लगानीकर्ताहरुले प्राइभेट प्लेसमेन्ट मार्फत अधिकतम हद लागू नहुने गरी आवेदन दिन सक्नेछ ।
यस ऋणपत्रमा बैंकले १०.५० प्रतिशतका दरले प्रत्येक ६—६ महिनामा ब्याजको भुक्तानी गर्ने छ । “नेपाल इन्भेष्टमेन्ट बैंक बण्ड २०८२” नाम दिइएको यस ऋणपत्रको अवधि सात बर्ष रहेको छ । सो ऋणपत्रलाई एनआईबिएल बाहेक अन्य बैंकमा कर्जा सुरक्षण अथवा धितो स्वरुप ऋण प्रयोजनको लागि योग्य मानिने छ । नेप्सेमा पनि यसको कारोबार हुनेछ ।
