प्रुडेन्सियल इन्स्योरेन्स Prudential Insurance Company Limited ले हकप्रद प्रस्ताव पारित गर्नको लागि बिशेष साधारणसभा आह्वान गरेको छ । कम्पनीको जेठ २४ गते बसेको सञ्चालक समितिको बैठकले आगामी असार १० गतेको लागि बिशेष साधारणसभा आह्वान गरेको हो ।
साधारणसभामा कम्पनीले १०:६ को अनुपातमा ६० प्रतिशत हकप्रद निष्काशन प्रस्ताव पेश गर्ने छ । कम्पनीले ३८ करोड ४९ लाख १२ हजार बराबरको हकप्रद निष्काशनको प्रस्ताव गरेको हो ।
कम्पनीले साधारणसभा प्रयोजनको लागि असार २ गते बुक क्लोज गर्ने निर्णय गरेको छ । असार १ गतेसम्म कायम शेयरधनीले मात्र साधारणसभामा भाग लिन सक्ने छन् ।
हाल कम्पनीको चुक्ता पुंजी ६४ करोड १५ लाख रहेकोमा प्रस्तावित हकप्रदपछि कम्पनीको चुक्ता पुंजी एक अर्ब २ करोड ६४ लाख पुग्ने छ ।
कम्पनीको गत आर्थिक बर्षमा १८ करोड खुद मुनाफा गरेको थियो । साथै कम्पनीले त्यति नै बराबरको जगेडा कोष देखाएको छ । तर पनि कम्पनीले लाभांश वितरण नगरी हकप्रदको बाटो रोजेको हो ।