सरोकारवालाहरुले शेयरबजार सम्बन्धि समाचार लेख्ने आर्थिक पत्रकारहरुको लागि आचार संहिता ल्याउन धितोपत्र बोर्डलाई सुझाव दिएका छन् । धितोपत्र बोर्डले मंगलबार आयोजना गरेको आगामी आर्थिक बर्षको नीति तथा कार्यक्रममा संकलन कार्यक्रममा अधिबक्ता अमृत खरेलले आचार संहिता ल्याउन सुझाव दिएका हुन् ।
अधिवक्ता खरेलले पत्रकारले नै कम्पनीको बजार मूल्यलाई असर गर्ने सूचना ल्याउने र आफैले इन्साइडर ट्रेडिङ गर्यो भनेर समाचार लेख्ने परिपाटी रहेको दाबी गरे । यस्तो हास्यास्पद काम बिश्वमा अन्त कतै नहुने बताउदै उनले पत्रकारको लागि आचार संहिता ल्याउन बोर्डलाई सुझाव दिएका हुन् ।
त्यस्तै शेयर विश्लेषक हेमत बस्यालले बोर्ड आफैले पत्रकारहरुलाई नियम गर्न नसक्ने भएकोले प्रेस काउन्सिलसंग समन्वय गरेर आचार संहिता ल्याउन सुझाव दिए ।
सरस्वती क्याम्पसका प्राध्यापक केवी पाण्डेले पत्रकारहरुले नै सूचना चुहाउने गरेकोले उनीहरुलाई दोस्रो बजारमा लगानी गर्न नै रोक लगाउनु पर्ने बताए ।