सिबिआइएल क्यापिटलले निष्काशन गरेको सामुहिक लगानी कोषको इकाईमा ५५ करोड ९९ लाख बढीको आवेदन परेको छ । कम्पनीले जेठ ९ देखि असार ८ गतेसम्म निष्काशन गरेको सामुहिक लगानी कोषको इकाईमा कुल ५५ करोड ९९ लाख ५५ हजार ३ सय रुपैयाँको आवेदन परेको बिक्रि प्रबन्धक सीबिआईएल क्यापिटलले जनाएको छ ।
सिटिजन्स बैंक Citizens Bank International Limited कोष प्रवर्द्धक र क्यापिटल योजना ब्यबस्थापक रहेको सिटिजन्स म्युचल फण्ड २ अन्तर्गतका इकाईहरु सर्वसाधारणलाई निष्काशन भएका हुन् । यो योजना सिटिजन्स मुयुचल फण्ड अन्तर्गत संचालन हुने छ ।
यस योजना अन्तर्गत क्यापिटलले १ अर्ब बराबरको प्रति इकाई १० रुपैयाँ अंकित १० करोड इकाई निष्काशन गरेको हो । जस मध्ये १ करोड ५० लाख इकाई सिटिजन्स बैंकको लागि छुट्याइएको छ भने बाँकि रहेको ८ करोड ५० लाख इकाईमा सर्वसाधारणले आवेदन दिएका हुन ।
कम्पनीको यो योजना ७ बर्षे बन्दमुखी योजना हो ।
