नयाँ आर्थिक बर्षको पहिलो दिनको कारोबारमा शेयर बजार परिसूचक नेप्से दोहोरो अंकले बढेको छ । आज नेप्से परिसूचक १५.८५ अंकले बढेर १२७४.८६ को बिन्दुमा पुगेर रोकिएको छ ।
आज कारोबारमा आएका १६७ कम्पनीका १३ लाख ७५ हजार १ सय ९० कित्ता शेयर खरिद बिक्रि बाट ४२ करोड ६७ लाख ४३ हजार ४ सय ५८ कित्ता शेयर खरिद बिक्रि भएको छ । आज नेपाल बैंक लिमिटेडको सबै भन्दा धेरै ४ करोड ७५ लाख बराबरको कारोबार भएको छ । अन्य बढी कारोबार हुनेमा नेपाल लाइफ इन्स्योरेन्स, शिवम सिमेन्ट, अपर तामाकोशी लगायत रहेका छन् ।
आज कारोबारमा आएका होटेल र फाइनान्स बाहेकका सबै समुहगत सूचक बढेका छन् ।
आज उन्नति माइक्रोफाइनान्सका लगानीकर्ताले सर्बाधिक ७ प्रतिशत कमाएका छन् भने समिट लघुवित्तका लगानीकर्ताले ६.८६ प्रतिशत कमाएका छन् । अन्य बढी कमाउनेमा ग्लोबल आईएमई लघुवित्त, स्वदेशी लघुवित्त रहेका छन् ।
आज सिभिल लघुवित्तका लगानीकर्ताले सर्बाधिक ९ प्रतिशत गुमाएका छन् । अन्य बढी गुमाउनेमा दिब्यश्वरी हाइड्रो, युनाइटेड फाइनान्स, अरुण काबेली पावर लगायत रहेका छन् ।
नयाँ आथिक बर्षबाट पुँजीगत लाभकर घटेर ५ प्रतिशतमा झर्दा लगानीकर्ता उत्साहित बनेका छन् । त्यस्तै आजकै मिति बाट पुंजीगत लाभकर गणना पनि भारित औसत विधिबाट सुरु भएको छ ।
यो पनि :
शेयरको पूँजीगत लाभकर गणनाको नयाँ विधि बुझ्नु भएँन ? हेर्नुस सजिलो तरिका