गणपति माइक्रोफाइनान्सले लाभांश घोषणा गरेको छ । कम्पनीको मंगलबार बसेको संचालक समितिको बैठकले आर्थिक बर्ष ७५/७६ सम्मको संचित मुनाफाबाट ७ प्रतिशत बोनस शेयर वितरण गर्ने प्रस्ताव गरेको हो ।
कम्पनीले ७ प्रतिशतले हुन आउने ७२ लाख ४५ हजार बराबरको बोनस शेयर र कर प्रयोजनको लागि ०.३६८४ प्रतिशतले हुन् आउने ३ लाख ८१ हजार ३ सय १५ रुपैयाँ ७९ पैसा बराबरको नगद लाभांश वितरण गर्ने प्रस्ताव गरेको हो ।
कम्पनीको उक्त प्रस्ताव नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा वितरण हुने छ । कम्पनीले ३ महिना अगाडी मात्र आईपिओ निष्काशन गरेको थियो ।