मुक्तिनाथ विकास बैंक Muktinath Bikas Bank Limited आज भदौ १२ गतेदेखि हकप्रद बिक्रि खुला गरेको छ । बैंकले १:०.२ को अनुपातमा २० प्रतिशत हकप्रद खुला गरेको हो।
जस अनुसार बैंकले ६१ करोड २९ लाख ५२ हजार २५ रुपैयाँको ६१ लाख २९ हजार ५ सय २० दशमलव २५ कित्ता हकप्रद शेयर निष्काशन गरेको छ । हकप्रद शेयर निष्काशनको लागि भिबोर क्यापिटल बिक्रि प्रबन्धक रहेको छ । लगानीकर्ताले असोज १५ गतेसम्म हकप्रद भर्न सक्ने छन् ।
बैंकले हकप्रद निष्काशनको लागि साउन ३१ गते बुक क्लोज गर्ने निर्णय गरेको छ । साउन ३० गतेसम्म कायम शेयरधनीले मात्र हकप्रद भर्न सक्ने छन् ।
हाल बैंकको चुक्ता पूँजी ३ अर्व ६ करोडमा हकप्रदपछि बैंकको चुक्ता पुंजी ३ अर्ब ६७ करोड ७७ लाख पुग्ने छ।