एशिया प्रसान्त क्षेत्रमा रहेका धितोपत्र केन्द्रीय निक्षेप सेवा प्रदायक कम्पनीहरुको संगठन (एसिजी)को साधारणसभा नेपालमा सुरु भएको छ। सभाको औपचारिक उद्घाटन भने अर्थमन्त्री डा युवराज खतिवडाबाट मंगलबार बिहान हुने भएको छ ।
बिहिबारसम्म चल्ने साधारणसभालाई नेपाल धितोपत्र बोर्डका अध्यक्ष, नेप्सेका सीइओ, एसिजीका अध्यक्ष लगायतले सम्बोधन गर्ने कार्यक्रम रहेको छ । सभामा सिडीएसका संचालक निरन्जन फुयालले नेपालको पुँजीबजार सम्बन्धि कार्यपत्र प्रस्तुत गर्ने छन् । साथै एसिजीका हालका अध्यक्षको कार्यकाल यसैबर्षदेखि समाप्त हुने भएकोले नयाँ नेतृत्व समेत चयन हुने छ । एसिजीमा हाल ३५ सदस्य राष्ट्र छन् ।
सिडीएसको आयोजनामा पहिलो पटक पुँजी सम्बन्धि अन्तर्राष्ट्रिय कार्यक्रम हुन् लागेको हो ।
