आज असोज ७ गते मंगलबार २ वटा विकास बैंकले मर्जर सम्बन्धि प्रस्ताव पारित गर्न विशेष साधारणसभा आह्वान गरेका छन् । आज तिनाउ मिसन विकास बैंक र नेपाल कम्युनिटी डेभलपमेन्ट बैंकले सभा आह्वान गरेका हुन् ।
तिनाउ मिसनको सभाले नेपाल कम्युनिटीलाई गाभ्ने प्रस्ताव पारित गर्ने छ भने नेपाल कम्युनिटीको सभाले तिनाउ मिसनमा गाभिने प्रस्ताव पारित गर्ने छ । तिनाउ विकास बैंक र मिसन डेभलपमेन्ट बैंक मर्ज भई हालै मात्र तिनाउ मिसन डेभलपमेन्ट बैंक बनेको हो । मर्जपछि बनेको तिनाउ मिसन डेभलपमेन्ट बैंकले नेपाल कम्युनिटीलाई गाभ्न लागेको हो । १:१ को स्वाप रेसियोमा तिनाउ मिसनले नेपाल कम्युनिटीलाई गाभ्न लागेको हो ।
मर्जपछि बन्ने कम्पनीको चुक्ता पुँजी १ अर्व ६७ करोड ५७ लाख र शाखा कार्यालयहरु ६० वटा पुग्नेछन् ।
