समता माइक्रोफाइनान्सले आज असोज २७ गतेदेखि हकप्रद निष्काशन गर्ने भएको छ । कम्पनीले १:२ को अनुपातमा २ सय प्रतिशत हकप्रद निष्काशन गर्न लागेको हो । कम्पनीले १२ करोड १३ लाख रुपैयाँ बराबरको १२ लाख १३ हजार ४ सय ४० कित्ता हकप्रद शेयर निष्काशन गर्ने छ ।
लगानीकर्ताले मंगसिर १ गतेसम्म हकप्रद भर्न सक्ने छन्। कम्पनीले २६ गतेदेखि हकप्रद निष्काशन गर्ने जनाएकोमा त्यस दिन सार्वजनिक विदा परेकोले एक दिन ढिलो गरि हकप्रद बिक्रि सुरु भएको हो ।
शेयर निष्काशनको लागि एनआइबिएल एस बिक्रि प्रबन्धक रहेको छ । कम्पनीले हकप्रद निष्काशनको लागि असोज १ गते बुक क्लोज गर्ने निर्णय गरेको छ । यस हिसाबमा आज भदौ ३१ गतेसम्म कायम शेयरधनीले मात्र हकप्रदमा आवेदन दिन सक्ने भएका हुन्। हकप्रदपछि कम्पनीको चुक्ता पुंजी १८ करोड २० लाख रुपैयाँ पुग्नेछ ।