विजय लघुवित्त Vijaya Laghubitta Bittiya Sanstha Limited र स्वेडा लघुवित्तको मर्जर प्रक्रिया टुटेको छ। दुई पक्ष बीच स्वाप रेसियमा कुरा नमिलेपछि मर्जर प्रकिया टुटेको हो । संयुक्त प्राप्ति समितिको सिफारिसमा नै प्राप्ति प्रक्रिया तोड्ने निर्णय भएको विजय लघुवित्तका कम्पनी सचिव नारायण सापकोटाले जानकारी दिए ।
नवलपरासीको गैडाकोटमा केन्द्रीय कार्यालय रहेको विजय लघुवित्तले धादिंगको धुनिवेशीमा रहेको स्वेडा लघुवित्तलाई गाभ्नको लागि गत असार २६ गते सम्झौता भएको थियो । प्रारम्भिक सहमति अनुसार १००:८९ अनुपातको स्वाप रेसियोमा एक्विजिसन हुने बताईएको थियो । अर्थात् स्वेडाको १०० कित्ता हुने शेयएधनीले विजय लघुवित्तको ८९ कित्ता शेयर पाउने थिए। यद्यपि डिडिए रिपोर्ट अनुसार स्वाप रेसियोमा १० प्रतिशतसम्म तल माथि हुन् सक्ने उल्लेख थियो ।
तर अहिले स्वाप रेसियोमा कुरा नमिलेको भन्दै मर्जर टुटेको हो । हाल विजय लघुवित्तको चुक्ता पुंजी १९ करोड ४८ लाख रहेको छ । स्वेडाले भने आईपिओ निष्काशन गरिसकेको छैन ।