पहिलो मर्जर प्रयासमा असफल भएको किसान लघुवित्तले अर्को मर्जर सम्झौता गरेको छ । सुदुरपश्चिमको कैलालीमा केन्द्रिय कार्यालय रहेको एनआरएन लघुवित्तले कैलालीमै केन्द्रिय कार्यलय रहेको किसान लघुवित्त र काभ्रेको नमोबुद्ध नगरपालीकामा केन्द्रिय कार्यलय रहेको दिब्य लघुवित्तसँग मर्जर गर्ने सम्झौता गरेको हो ।
तिनवटा लघुवित्तहरुले बुधबार मर्जर सम्बन्धी सम्झौतापत्रमा हस्ताक्षर गरेका हुन । आगामी फागुन मसान्त अथवा ढीलामा बैशाख भित्र मर्जर प्रक्रिया सक्ने प्रारम्भिक सम्झौता भएको बताइएको छ । सम्झौता अनुसार १ बराबर १ को स्वापमा मर्जमा जाने तर डिडिए रिपार्टको आधारमा यसमा केही परिवर्तन हुने सक्ने सम्झौता गरेका एक लघुवित्तका अधिकारीले जानकारी दिए ।
मर्जपछि बन्ने संस्थाको नाम एनआरएन लघुवित्त हुने र संस्थाको अध्यक्ष र सिइओ पनि एनआरएन बाट नै हुने बताइएको छ । एनआरएन लघुवित्तले यसअघि नै रामारोशन लघुवित्त र क्रियटिभ लघुवित्तलाई मर्ज गरीसकेको छ ।
हाल एनआरएन लघुवित्तको चुक्ता पुँजी ३१ करोड रुपैयाँ रहेका छ । त्यस्तै गत आर्थिक वर्षको मुनाफाबाट २४ प्रतिशत बोनस शेयर दिएको किसान लघुवित्तको ११ करोड २४ लाख भन्दा माथि रहेको छ । दिब्य लघुवित्तको ७ करोड ७० लाख रहेको छ । मर्जरपछि बन्ने संस्थाको चुक्ता पूंजी ५१ करोड पुग्ने छ भने मर्जर पश्चात एफपिओ निष्काशन गर्ने सहमति भएको छ ।
किसानले यसअघि काभ्रेको मिर्मिरे र झापाको नागवेलीसँग गरेको मर्जर सम्झौता तोडिएको थियो ।
