आइतबार नेपाल स्टक एक्सचेन्ज नेप्सेको वेबसाइटमा 'ट्राफिक' ह्वात्तै बढेको छ । शेयर बजार उकालो लाग्न थालेपछि वेबसाइट हेर्ने आउनेको भिड बढेको हो ।
नेप्सेका आईटी प्रमुख निरन्जन सिंह नायकका अनुसार आज १२ हजारले एकैपटक वेबसाइट भिजिट गरेको बताए । उनले भने '१२ हजारले एकै पटक नेप्सेको वेबसाइटमा क्लिक गरिरहेका छन्' । उनका अनुसार अन्य समयमा एक हजारदेखि १२ सयले एकै पटक नेप्सेको वेबसाइट खोल्ने गरेकोमा आज त्यो संख्या १२ गुणाले बढेको हो ।
ह्वातै ट्राफिक बढ्दा कारोबार अवधिमा वेबसाइटमा डाटा देखिन केहि समय लागेको उनले बताए । डाटा डिस्प्ले हुन् केहि समय लागेको भएपनि देखिएको डाटामा भने कुनै समस्या नरहेको उनले बताए ।
डाटा डिस्प्लेमा ढिलाई हुँदा एक समय वेबसाइटमा १० देखि १५ मिनेट अगाडीको डाटा मात्र देखियो थियो । अहिले भने रियल टाइम कै डाटा देखिएको छ ।
यो पनि :
