शेयरबजारले बुधबार फेरी नयाँ रेकर्ड बनाएको छ । बुधबार कारोबार रकम ४ अर्ब नाघेपछि नयाँ रेकर्ड कायम भएको हो । आज बजारमा ४ अर्ब १५ करोड ४८ लाख ८३ हजार ९२ रुपैयाँको कारोबार भएको छ, जुन नेपाल स्टक एक्सचेन्ज नेप्से कै इतिहास कै उच्च हो । यस अघिको उच्च कारोबार ३ अर्ब ६० करोड रहेको थियो ।
आज बजारमा १८० कम्पनीका ९९ लाख ६ हजार ९ सय ८९ कित्ता शेयर खरिद बिक्रि भएको छ । कारोबार कित्ताले पनि पनि आज नयाँ रेकर्ड कायम गरेको हो । आज शेयरबजार परिसूचक नेप्से ५०.९३ अंकले बढेर १५९६.१३ को बिन्दुमा पुगेको छ ।
आज लाइफ इन्स्योरेन्सको उपसूचक सबै भन्दा धेरै ५७१.१८ बढेको छ । आज कारोबारमा आएका सबै उप्सुचक बढेका छन् । आज नेपाल लाइफको मात्रै सबै भन्दा धेरै २१ करोड ९९ लाख बराबरको कारोबार भएको छ । आज ८ कम्पनीको शेयर उल्य ९ प्रतिशत भन्दा बढी बढेको छ । आज राधी विद्युत कम्पनीका लगानीकर्ताले भने सबै भन्दा धेरै ८.९२ प्रतिशत गुमाएका छन्।