मंगलबार ८६ अंकले घटेको शेयर बजार परिसूचक नेप्से बुधबार ७३.७८ अंकले बढेको छ । बुधबार नेप्से सूचक ५.४७ प्रतिशतले बढेको हो । उक्त वृद्धि संगै सूचक १४२३.०९ को बिन्दुमा पुगेर रोकिएको छ ।
आज कारोबारमा आएका १ सय ८० कम्पनीका ५६ लाख २६ हजार ८ सय १२ कित्ता शेयर खरिद बिक्रिबाट २ अर्ब २२ करोड १० लाख ८१ हजार ६ सय ९० रुपैयाँ बराबरको कारोबार भएको छ । आज कारोबारमा आएका म्युचुअल फण्ड बाहेक सबै समुहसूचक बढेका छन् ।
आज नेपाल लाइफ इन्स्योरेन्सको सबै भन्दा धेरै २३ करोड ६६ लाख बराबरको कारोबार भएको छ । अन्य बढी कारोबार हुनेमा एनआईसी एसिया बैंक , एनएमबी बैंक, हिमालयन डिस्टिलरी, नबिल बैंक , शिवम सिमेन्ट लगायत रहेका छन् । आज १८ कम्पनीको शेयर मूल्य ९ प्रतिशत भन्दा बढीले बढेको छ ।
मंगलबार बजारमा भारी गिरावट आउँदा शेयर विश्लेषकहरुले गिरावट क्षणीक हुने र बजार छिट्टै लयमा फर्कने दाबी गरेका थिए । नेप्से सूचकले पनि आज त्यहि ट्रेण्ड पछ्याएको छ । हेर्नुस भारी गिरावट आउँदा कसले के भनेका थिए ?
यो पनि :
