नेपाल स्टक एक्सचेन्ज नेप्सेले चैतदेखि कारोबार अवधि ५ घण्टा पुर्याउने तयारी गरेको छ। नेप्सेले कारोबार अवधि बिहान १०:३० देखि दिउँसो ३:३० सम्म कायम गर्न लागेको हो । हाल ११ बजेदेखि ३ बजेसम्म कारोबार हुदै आएको छ ।
नेप्से स्रोतका अनुसार सम्भव भएसम्म आइतबारबाट नै र आइतबार नभए छिट्टै नै अवधि बढाउने गरि काम भईरहेको छ । चैतको पहिलो हप्ता भित्र नै कारोबार अवधि थपिने स्रोतको दाबी छ ।
यद्यपि नेप्सेका प्रमुख कार्यकारी अधिकृत चन्द्र सिंह साउद भने यो अध्ययन कै क्रममा रहेको निर्णय भईनसकेको बताए । बिजपाटीसँग उनले भने 'नेपाल धितोपत्र बोर्डले समय अवधि बढाउँनको लागि भनेको हो, हामी छलफल गर्दै छौ।' उनले अवधि बढाउनको लागि नेप्सेको संचालक समितिले निर्णय गर्नु पर्ने र हालसम्म निर्णय भईनसकेकोले कहिलेबाट अवधि थप हुन्छ यकिन गरी भन्न नसकिने बताए ।
धितोपत्र कारोबार सञ्चालन विनियमावली-२०७५ मा नेप्सेले कारोबार समय र सत्रमा बोर्डलाई जानकारी दिई हेरफेर गर्न सक्ने प्रावधान छ।
यो पनि :
