आइतबार नेपाल स्टक एक्सचेन्ज नेप्सेको डाटा डिस्प्लेमा समस्या देखिएको छ । पुतलीसडकमा रहेको फाइबर सेवा प्रदायकको फाइबर लिनमा समस्या आएको कारण वेबसाइट डाटा डिस्प्लेमा समस्या देखिएको नेप्सेले जनाएको हो ।
यससंगै कारोबार जारि रहेपनि नेप्सेमा कारोबारको विवरण भने देखिएको छैन । नेप्सेको वेबसाइटमा बिहिबार कै अन्तिम समयको कारोबार विवरण देखिएको छ । यद्यपि कारोबार भने जारि छ ।
फाइबर लिंकको समस्या समाधान नभएसम्म वेबसाइटमा पछिल्लो समयको रियल टाइम डाटा नदेखिने नेप्सेले जनाएको छ । विवरण नदेखिंदा लगानीकर्ता भने मारमा परेका छन् ।
