नेपाल स्टक एक्सचेन्ज नेप्सेमा सात महिनामा ६९ अर्व बढीको सेयर सुचिकृत भएको छ । नेपाल राष्ट्र बैंकले सार्वजानिक गरेको चालु आर्थिक वर्षको सात महिना अवधिको विवरण अनुसार नेप्सेमा ६९ अर्ब ५४ करोडको शेयर सुचिकृत भएको हो ।
यस अवधिमा सबैभन्दा बढी ऋणपत्रको सुचिकृत भएको छ । सो अवधीमा १९ अर्व ४६ करोड ऋणपत्र, १९ अर्व १३ करोडको वोन, १० अर्व ५६ करोड रुपैँयाको साधारण सेयर, ५ अर्व ७५ करोडको म्यूचुअल फण्ड र २ अर्व ९६ करोडको हकप्रद सेयर सुचिकृत भएको छ । अन्य कम्पनीहरुको गरी ११ बरोड ६८ करोड रुपैँयाको थप धितोपत्र सुचिकृत भएको छ ।
समिक्षा अवधीमा नेपाल धितोपत्र बोर्डले २६ अर्व २६ करोडको धितोपत्र निष्कासन गर्न अनुमति दिएको छ । जसमा २१ अर्व २० करोडको डिवेन्चर, ३ अर्व ७३ करोडको हकप्रद, १ अवृको म्य्रच्अल फण्ड, ३३ करोड ५१ लाखको साधारण सेयर रहेको छ ।
नेप्सेमा बैंक तथा वित्तीय र बीमाले ८० दशमलव ३ प्रतिशत धितोपत्र बजार पूँजीकरणको हिस्सा ओगटेको छ । जलविद्युतले ५ दशमलव ८, उत्पादन तथा प्रशोधन उद्योगले ३ दशमलव ७, होटलले १ दशमलव ५, व्यापारले शून्य दशमलव ३ प्रतिशत र अन्य समुहका कम्पनीहरुले ८ दशमलव ५ प्रतिशत हिस्सा ओगटेका छन् ।
नेप्सेमा सुचिकृत कम्पनीमध्य १ सय ४८ बैंक तथा वित्तीय र बीमा रहेको छ भने ३२ जलविद्युत कम्पनी रहेका छन् । १० ओटा उत्पादन तथा प्रशोधन, ४ ÷४ ओटा व्यापारिक र अन्य समूहका कम्पनी छन् । समिक्षा अवधीको माघसम्म नेप्सेमा २सय ११ कम्पनी सुचिकृत छन् ।