नबिल म्युचुअल फण्ड अन्तर्गत सञ्चालित दुई योजनाको नाफा फागुनमा बढेको छ । नबिल ब्यालेन्स फण्ड –२ र नबिल इक्वीटी फण्डको नाफा माघको तुलनामा फागुनमा बढेको हो ।
नविल व्यालेन्स फण्ड् २ले फागुन मसान्तसम्ममा ९ करोड ७७ लाख नाफा गरेको छ । योजनाले माघमा ८ करोड ५० लाख नाफा गरेको थियो । योजनाले व्याज आम्दानीबाट ९ करोड ९९ लाख , लाभाँश आम्दानीबाट ६८ लाख ६३ हजार र धितोपत्र विक्रीबाट २ करोड ४८ लाख ६१ हजार नाफा गरेपछि नाफा बढेको हो ।
योजनाले सुचिकृत सेयरमा ३८ करोड २१ लाख र ऋणपत्रमा १५ करोड ८४ लाख लगानी गरेको छ । योजनाको मुद्धति निक्षेपमा ६ करोड २० लाख छ । योजनाको प्रतिइकाई खुद सम्पत्तिको मूल्य १० दशमलव ९१ रहेको छ ।
त्यसैगरि, नबिल इक्वीटी फण्डले फागुन मसान्तसम्ममा १७ करोड ४१ लाख नाफा कमाएको छ । योजनाले माघ मसान्तसम्म १५ करोड १६ लाख नाफ गरेको थियो । नबिल इक्वीटी फण्डको प्रति इकाई खुद सम्पत्तिको मूल्य १० दशमलव ४१ पुगेको छ ।
योजनाको व्याज आम्दानी २ करोड २५ लाख छ भने लाभ आम्दानी १ करोड ३२ लाख छ । साथै, योजनाले धितोपत्र विक्रीबाट ४ करोड ६९ लाख ७६ हजार आम्दानी गरेको छ ।
योजनाले फागुन मसान्तसम्म सूचीकृत शेयर, ऋणपत्र र सूचीकृत नभएका शेयर ऋणपत्र, मुद्दति निक्षेप गरेर कुल ८६ करोड ८७ लाख लगानी गरेको छ । यो लगानी माघ मसान्तसम्ममा ९० करोड ९१ लाख थियो । यि दुबै योजनाको व्यवस्थापक नविल इन्भेष्टमेण्ट बैकिङ रहेको छ ।