एनआइबिएल म्युचुअल फण्डका तिन योजनाले माघको तुलनामा फागुनमा नाफा बढाएका छन् । एनआईबिएल प्रगति फण्ड, एनआइबिएल सहभागित फाण्ड र एनआइबिएल समृद्धि फण्ड १ ले नाफा बढाएका हुन् ।
एनआईबिएल प्रगति फण्डले फागुन मसान्तसम्ममा १० करोड ८६ लाख नाफा गरेको छ । योजनाले माघमा १० करोड ९ लाख नाफा गरेको थियो । योजनाको प्राप्त भइसकेको आम्दानी २ करोड ११ लाख छभने प्राप्त हुन बाँकी आम्दानी ९ करोड ६९ लाख छ ।
योजनाले सुचिकृत सेयरमा ६५ करोड ३३ लाख लगानी गरेको छ । यस्तो लगानी माघसम्म ६४ करोड ७६ लाख थियो । योजनाको मुद्धति निक्षेपमा रकम राखेको छैन । योजनाको प्रतिइकाई खुद सम्पत्तिको मूल्य ९ दशमलव ७३ रहेको छ । माघमा ९ दशमलव ६३ रुपैयाँ थियो ।
त्यसैगरि, एनआइबिएल सहभागित फण्डले फागुन मसान्तसम्ममा १ करोड ३२ लाख नाफा कमाएको छ । योजनाले माघ मसान्तसम्म १ करोड ३० लाख नाफ गरेको थियो । फण्डको प्रति इकाई खुद सम्पत्तिको मूल्य १० दशमलव ६२ रहेको छ । योजनाको प्राप्त भइसकेको आम्दानी १ करोड २६ लाख छभने प्राप्त हुन बाँकी आम्दानी ३५ लाख ९५ हजार छ ।
योजनाले फागुन मसान्तसम्म सूचीकृत शेयर, ऋणपत्र र सूचीकृत नभएका शेयर ऋणपत्र, मुद्दति निक्षेप गरेर कुल १५ करोड ७ लाख लगानीि गरेको छ । यो लगानी माघ मसान्तसम्ममा १० करोड ८३ लाख थियो ।
साथै, एनआइबिएल समृद्धि फण्ड – १ ले १४ करोड नाफा गरेको छ । योजनाले माघ मसान्तसम्म १२ करोड ५९ लाख नाफा गरेको थियो । योजनाको प्रतिइकाई खुद सम्पती मुल्य ११ दशमलव ४४ रुपैयाँ छ । माघ ११ दशमलव ३० रुपैयाँ थियो । योजनाको प्राप्त भइसकेको आम्दानी ७ करोड २० लाख छभने प्राप्त हुन बाँकी आम्दानी ८ करोड ४८ लाख छ । योजनाले सुचिकृत सेयर ऋणपत्र, बैंक निक्षेप र हकप्रद, सेयरमा गरी कुल ९५ करोड ४८ लाख लगानी गरेको छ । यस्तो लगानी माघमा ९२ करोड ७४ लाख ७४ हजार थियो । यितिन वटै योजनाको व्यवस्थापक एनआइबिएल एस क्यापिटल छ ।