Canvas is not supported in your browser.

वडादशैँ, दिपावली, छठ पर्व तथा नेपाल संवतको अवसरमा हाम्रा समस्त पाठकवर्ग, विज्ञापनदाता, शुभेच्छुक तथा शुभचिन्तकहरुमा हार्दिक मंगलमय शुभकामना व्यक्त गर्दछौ । -बिजपाटी परिवार

राती पनि कारोबार गरेको आरोप लागेपछि नेप्सेले निकाल्यो यस्तो सूचना

बिजपाटी सम्बाददाता

बिजपाटी सम्बाददाता

Sep 17, 2020 | 07:28:58 PM मा प्रकाशित

nj

नेपाल स्टक एक्सचेन्ज नेप्सेले वेबसाइटमा कारोबार  विवरण हेर्दा बजार पुँजीकरणको विवरण देखाएपछिको डाटालाई मात्र आधिकारिक मान्न आग्रह गरेको छ । बजार पुँजीकरण देखिनु अगाडीको डाटा अपुरो हुन सक्ने नेप्सेले जनाएको हो  ।

राती पनि कारोबार गरेको आरोप लागेपछि नेप्सेले यस्तो सूचना निकालेको हो । गत मंगलबार  कारोबार समय बन्द भएपछि कारोबार रकम थपिएको देखिएपछि लगानीकर्ताले नेप्सेमाथि गम्भीर प्रश्न उठाएका थिए । मंगलबार कारोबार बन्द भएपछि कारोबार रकम ३२ करोडले बढेको देखिएपछि लगानीकर्ताले नेप्सेको सिस्टममाथि गम्भीर प्रश्न उठाउदै रातमा पनि कारोबार गरेको आरोप लगाएका थिए ।

तर नेप्सेले भने कारोबार बन्द भएपछिको समयमा थप कारोबार हुन नसक्ने भन्दै कारोबार विवरण पूर्ण नआउदैको डाटा डिस्प्ले भएकोले बढी कारोबार देखिएको जनाएको थियो । अहिले भने नेप्सेले सुचना नै निकालेर बजार पुँजीकरण देखाएपछिको डाटालाई मात्र आधिकारिक मान्न आग्रह गरेको हो । 

मंगलबार के भएको थियो ? 

मंगलबार शेयर कारोबार बन्द हुँदा नेप्सेको वेबसाइटमा १ अर्ब ७९ करोड ३७ लाख ७ सय ४३ रुपैयाँ बराबरको भएको देखाएको थियो । तर बुधबार बिहान कारोबार सुरु हुनुभन्दा अगाडी नेप्सेको वेबसाइटमा मंगलबार २ अर्ब ११ करोड ९९ लाख ३९ लाख ५ सय ५८ रुपैयाँको कारोबार भएको उल्लेख थियो । अर्थात नेप्सेमा  ३२ करोड बढीको कारोबार रकम थपिएको उल्लेख थियो  । नेप्से सूचक त्यहि नै रहेपनि कारोबार रकम र कारोबार कित्ता मात्र बढेको वेबसाइटमा देखिएको थियो । 

 नेप्सेले भने ईओडि अगाडी र पछाडीको डाटामा फरक परेको बताएको थियो  । नेप्सेका अनुसार ३ बजे कारोबार सकिएपछि ३ बजेर  ५ मिनेटपछि ईओडि अर्थात् एण्ड अफ डे सिस्टमलाई रन गरिन्छ । त्यो प्रोसेस सकिएपछि मात्र यकिन कारोबार रकम आउँछ । कहिलेकाही त्यो प्रोसेस पुरा हुनको लागि ३ घण्टा पनि लाग्न सक्ने भएकोले रकम फरक देखिन्छ ।  

Share Your Thoughts

Recent News

Main News

Close in 7


Bizpati.com © 2020. All Rights Reserved