सीडीएस एन्ड क्लियरिङ लिमिटेड सार्वजनिक गरेको मेरोशेयरको मोबाइल एप डाउनलोड गर्नेको संख्या ३० हजार पुगेको छ । सिडीएसले बुधबार बेलुका एप सार्वजनिक गरेकोमा हालसम्म ३० हजारले यो एप डाउनलोड गरेको सिडीएसले जनाएको छ ।
एप डाउनलोड गरेका लगानीकर्ताले एपलाई प्ले स्टोरमा ३.५ को रेटिंग दिएका छन् । त्यस्तै लगानीकर्ताले एपमा ड्यासबोर्ड राख्न, फिंगरप्रिन्ट लगइन सुबिधा राख्न, डार्क मोड फिचर राख्न, युजर इन्टरफेसमा सुधार गर्न, पोर्टफोलियो लिस्टमा देखाउन मिल्ने बनाउन सुझाव दिएका छन् ।
सिडीएसले मेरोशेयरको वेब भर्जनमा भएका सीआस्वा सेवा बाहेकका सबै सेवा प्रयोग गर्न मिल्ने गरि वेब सार्वजनिक गरेको हो ।
सिडीएसले एपको डेभलपर विबरणमा सिडिएस एण्ड क्लियरिङ लि. लेखिएको एप मात्र डाउनलोड गर्न र कुनै पनि किसिमको एपीके लिंकमा मेरो शेयरको एप अपलोड नगरिएको प्रष्ट पारेको छ । सिडीएसले तल चित्रमा देखाए अनुसारको एप मात्र डाउनलोड आग्रह गरेको हो ।