नागरिक लगानी कोषको स्टक डिलर कम्पनीको प्रमुख कार्यकारी अधिकृतको लागि २ जनाको नाम सर्ट लिस्ट भएको छ । सीइओ छनौट उपसमितिको बैठकले ४ जना आवेदन मध्येबाट २ जनाको नाम सर्ट लिस्ट गरेको हो ।
उपसमितिले महेश्वरलाल श्रेष्ठ र सन्तोषराज नेपालको नाम सर्ट लिस्ट गरेको हो । उपसमितिले शैक्षिक योग्यता, उमेर र अनुभवको आधारमा नाम सर्ट लिस्ट गरेको जनाएको छ । अब उपसमितिले सर्टलिस्ट भएका उम्मेदवारहरुको ब्यबसायी रणनीति, र कार्ययोजना प्रस्तुतीकरणको लागि असोज १६ गते अन्तर्वार्ताको मिति तोकेको छ।
कम्पनीको सीइओको लागि विशाल अग्रवाल, सन्तोष नेपाल, महेश्वर लाल श्रेष्ठ र इन्द्र कट्टेलले आवेदन दिएका थिए । आवेदन दिनेले ब्यबस्थापन वा अर्थशाश्त्र वा वाणिज्य शाश्त्र वा बित्तशाश्त्रमा स्नातकोत्तर गरेको वा स्नातक तह उतिर्ण सहित सिए उपाधि हासिल गरेको हुनु पर्ने तोकिएको थियो । त्यस्तै बैंक वित्तीय संस्था वा सुचिकृत कम्पनीमा कम्तिमा ४ वर्ष ब्यबस्थापकिय तहमा काम गरेको हुनु पर्ने उल्लेख थियो ।