एनआईसी एशिया बैंक NIC Asia Bank Limited ले लाभांश घोषणा गरेको छ । बैंकको आज मंगलबार बसेको संचालक समितिको बैठकले आर्थिक बर्ष ७६/७७ बाट वितरण गर्ने लाभांश प्रस्ताव गरेको हो ।
जस अनुसार बैंकले १९ प्रतिशत बोनश शेयर र १ प्रतिशत नगद लाभांश गरी कुल २० प्रतिशत लाभांश वितरण गर्ने प्रस्ताव गरेको छ । बैंकले १९ प्रतिशतले हुन आउने १ अर्ब ८४ करोड ६३ लाख बराबरको बोनस शेयर र १ प्रतिशतले हुन आउने ९ करोड ७२ लाख बराबरको नगद लाभांश गरी कुल १ अर्ब ९४ करोड ३५ लाख लाभांश वितरण गर्ने प्रस्ताव गरेको हो ।
प्रस्तावित लाभांश नेपाल राष्ट्र बैंकले स्वीकृति दिएपछि तथा बैंकको आगामी २३ औं वार्षिक साधारण सभा स्वीकृत गरेपछि शेयरधनीमा वितरण हुने छ ।