तिनाउ मिसन डेभलपमेन्ट बैंक @Tin ले विशेष साधारणसभा डाकेको छ। बैंकले मङ्सिर ७ गते दिउँसो १ बजे भर्चुअल माध्यमबाट सभा आह्वान गरेको हो ।
बैंकले प्रबन्धपत्रमा प्रस्ताव गरे बमोजिम आवश्यक संशोधन गर्नको लागि सभा आह्वान गरेको हो। सभाले प्रबन्धपत्र वा नियमावलीमा आवश्यक संशोधन गर्नको लागि आवश्यक कार्य गर्ने अख्तियारी संचालक समितिलाई दिने छ ।
तिनाउ मिसन डेभलपमेन्ट बैंक तिनाउ विकास बैंक र मिसन डेभलपमेन्ट बैंक मर्ज भई र नेपाल कम्युनिटी डेभलपमेन्ट बैंकलाई प्राप्ति गरी बनेको संस्था हो । मर्जपछि बनेको संस्थाको संस्थापक र सर्वसाधारण शेयर स्वामित्व हाल ६३.५६ र ३६.४४ रहेकोमा विशेष साधारणसभामा उक्त स्वामित्व अनुपात ५३.३३ र ४६.६७ बनाउने प्रस्ताव पेश हुनलागेको हो ।
बोनस शेयर वितरण पश्चात शेयर स्वामित्व परिवर्तन भएकोले राष्ट्र बैंकको स्वीकृतिमा संरचना परिवर्तन गर्न लागिएको हो । बैंकले साधारणसभा प्रयोजनको लागि कार्तिक २६ गते बुक क्लोज गर्ने निर्णय गरेको छ । करिक २५ गतेसम्म कायम भएका शेयरधनीले सभामा भाग लिन सक्ने छन् ।
