एनआईसी एसिया बैंकले आफ्नो स्वमित्वमा रहेको विभिन्न ३ कम्पनीको संस्थापक शेयर लिलाम गर्ने भएको छ । बैंकले नागरिक लगानी कोष, सूर्या लाइफ इन्स्योरेन्स र एशियन लाइफ इन्स्योरेन्सको संस्थापक शेयर लिलाम गर्न लागेको हो ।
बैंकले नागरिक लगानी कोषको २ लाख २ हजार ५ सय ६० कित्ता, सूर्या लाइफको १ लाख ९३ हजार १ सय ९४, र एशियन लाइफको १ लाख ४० हजार ८ सय कित्ता संस्थापक शेयर लिलाम गर्न लागेको हो ।
नागरिक लगानी कोषको शेयरमा बैंक, वित्तीय संस्था र बीमा कम्पनीले मात्र आवेदन दिन सक्ने छन् भने सूर्या लाइफ र एशियन लाइफको शेयरमा अन्य योग्य लगानीकर्ताले पनि आवेदन दिन सक्ने छन् । इच्छुक लगानीकर्ताले न्युनतम प्रति कित्ता १०० रुपैयाँ मूल्य राखी आवेदन दिनु पर्ने छ । सबै भन्दा बढी मूल्य कबोल गर्नेले शेयर पाउने छन् ।
शेयर लिलाम प्रक्रियाको लागि एनआईसी एसिया बिक्रि प्रबन्धक रहेको छ । लिलामीको शेयरमा आज मङ्सिर ७ देखि मङ्सिर १० गतेसम्म आवेदन दिन सकिने छ ।
आवेदन दिनको लागि निम्न केन्द्र तोकिएका छन् ।
