प्राइम कमर्शियल बैंकएल आफ्नो स्वामित्वमा रहेको नेरुदे लघुवित्त Nerude Laghubitta Bittiya Sanstha को ९८ हजार ९ सय कित्ता संस्थापक शेयर लिलाम गर्ने भएको छ । बैंकले यस अघि २ पटक शेयर लिलाममा राखेकोमा पुरै बिक्रि नभएपछि बाँकि रहेको ९८ हजार ९ सय कित्ता पुन: लिलामीमा ल्याएको हो ।
लिलामीको लागि न्युनतम मूल्य प्रति कित्ता ३ सय कायम गरिएको छ । लिलामीको शेयरमा आवेदन दिन इच्छुकहरुले सो मूल्य भन्दा बढी कबुल गरि आवेदन पेश गर्नु पर्ने छ । उक्त लिलाममा विद्यमान संस्थापक शेयरधनी, लगायत अन्य इच्छुक व्यक्ति, फर्म, कम्पनी, तथा संगठित संस्थाले आवेदन दिन सक्ने छन् ।
आवेदन दिँदा न्युनतम १०० कित्ताको लागि अधिकतम पुरै कित्ताको लागि आवेदन दिन सकिने छ । इच्छुक तथा योग्य आवेदकहरुले मङ्सिर २५ गतेदेखि पुस २ गतेसम्म आवेदन दिन सक्ने छन् ।
शेयर लिलाम प्रक्रियाको लागि सनराइज क्यापिटल बिक्रि प्रबन्धक रहेको छ ।
