छिमेक लघुवित्त Chhimek Laghubitta Bittiya Sanstha ले लाभांश घोषणा गरेको छ । कम्पनीको बुधबार बसेको संचालक समितिको बैठकले आर्थिक वर्ष ७६/७७ को मुनाफाबाट वितरण गर्ने लाभांश प्रस्ताव गरेको हो ।
जस अनुसार कम्पनीले हाल कायम चुक्ता पुँजीको २२ प्रतिशतले हुन आउने ३३ करोड बराबरको बोनस शेयर र कर प्रयोजनको लागि समेत ७ प्रतिशतले हुन आउने १० करोड ५० लाख नगद लाभांश गरि कुल २९ प्रतिशत (४३ करोड ५० लाख बराबरको ) लाभांश वितरण गर्ने प्रस्ताव गरेको हो ।
कम्पनीको उक्त प्रस्ताव नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा वितरण हुने छ । हाल कम्पनीको चुक्ता पुँजी डेढ अर्ब रहेको छ ।