आज भदौ ९ गते हिमालयन जनरल इन्स्योरेन्सको हकप्रद भर्ने अन्तिम दिन रहेको छ । कम्पनीले असार २८ गतेदेखि हकप्रद बिक्रि सुरु गरेको हो ।
इन्स्योरेन्सले १:१.६६६७ को अनुपातमा हाल कायम चुक्ता पुँजीको १६६.६७ प्रतिशत हकप्रद निष्काशन गरेको हो । इन्स्योरेन्सले ६४ लाख २० हजार कित्ता हकप्रद निष्काशन गरेको हो ।
इन्स्योरेन्सले हकप्रद निष्काशन प्रयोजनार्थ असार १६ गते बुक क्लोज गर्ने निर्णय गरेको छ । असार १५ सम्म कायम शेयरधनीले असार २८ देखि श्रावन ३१ सम्म हकप्रदको लागि आवेदन दिन सक्ने छन् ।
हकप्रद निष्काशनको लागि एनएमबि क्यापिटल बिक्रि प्रबन्धक नियुक्त भएको छ । इच्छुक लगानीकर्ताले एनएमबि क्यापिटलको कार्यालय नक्साल र एनएमबि बैंकको तोकिएको शाखाबाट आवेदन दिन सक्ने छन् ।
कम्पनीले चालु आर्थिक बर्षको तेस्रो त्रैमाससम्ममा ८ करोड ५ लाख खुद नाफा गरेको थियो । हाल कम्पनीको चुक्ता पुंजी ३८ करोड ५२ लाख रहेकोमा हकप्रद निष्काशनपछि चुक्ता पुंजी १ अर्ब नाघ्ने छ ।
त्यस्तै आज भदौ ९ गते सप्तकोशी डेभलपमेन्ट बैंकको पनि हकप्रद भर्ने अन्तिम दिन रहेको छ। सप्तकोशी डेभलपमेण्ट बैंकले असार ३० गतेदेखि हकप्रद बिक्रि गरेको हो । बैंकले १ बराबर १ दशमलब ३ अर्थात १३० प्रतिशतको दरले हकप्रद बिक्री खुला गरेको हो।
बैंकले प्रति कित्ता १ सय रुपैयाँका दरले २७ करोड ४३ लाख रुपैयाँ बराबरको २७ लाख ४३ हजार कित्ता हकप्रद निष्काशन तथा बिक्री खुला गरेको हो। हकप्रद निष्काशन प्रयोजनको लागि बैंकले असार १४ गते बुक क्लोज गर्ने निर्णय गरेको थियो । त्यसैले असार १३ गतेसम्म कायम सेयरधनीले असार ३० गतेदेखि भदौ १ गतेसम्म हकप्रदको लागि आवेदन दिन सक्ने छन्। बैंकको सेयर निष्काशन तथा बिक्री प्रबन्धकमा एनएमबि क्यापिटल रहेको छ।
१३० प्रतिशत हकप्रद बिक्रि तथा वितरण पश्चात बैंकको चुक्ता पुंजी ४८ करोड ५३ लाख रुपैयाँ पुग्नेछ। हाल बैंकको चुक्ता पुंजी २१ करोड १० लाख रुपैयाँ रहेको छ।
बैंकले चालु आर्थिक बर्षको तेस्रो त्रैमासमा १ करोड ६६ लाख रुपैयाँ खुद मुनाफा आर्जन गरेको छ। नेपाल राष्ट्र बैंकले तोकेको चुक्ता पुंजी ५० करोड पुर्याउन बैंकले हकप्रद बिक्रि तथा वितरण पश्चात यस आर्थिक बर्षको कमाईबाट न्युनतम ३ प्रतिशत बोनस सेयर वितरण गर्नु पर्ने छ।