सिटिजन्स बैंकको १६ प्रतिशत बोनस सुरक्षित गर्ने आज भदौ ११ गते अन्तिम दिन रहेको छ । बैंकले आगामी ११ औ साधारणसभा र बोनस प्रयोजनको लागि एकसाथ बुक क्लोज मिति तय गरेको थियो । बैंकले भदौ १२ गते हुने साधारणसभा र साधारण सभाले पारित गर्ने १६ प्रतिशत बोनसको लागि भदौ १२ गतेदेखि भदौ १६ गतेसम्म बुक क्लोज गर्ने निर्णय गरेको हो । भदौ ११ अर्थात आजसम्म कायम शेयरधनीले मात्र साधारण सभामा भाग लिन र कम्पनीको बोनस शेयर प्राप्त गर्न सक्ने छन् ।
कम्पनीले आर्थिक बर्ष ७३/७४ को कमाईबाट १६ प्रतिशत बोनस र कर प्रयोजनको लागि १ प्रतिशत नगद लाभाश प्रस्ताव गरेको छ । साधारण सभाले सोहि प्रस्ताव पारित गर्ने छ ।
हाल बैंकको चुक्ता पुंजी ६ अर्ब ९२ करोड रहेकोमा प्रस्तावित बोनस पश्चात कम्पनीको चुक्ता पुंजी ८ अर्ब नाघ्ने छ । कम्पनीले गत आर्थिक बर्षको चौथो त्रैमासमा १ अर्ब २१ करोड खुद नाफा गरेको थियो ।