साताको पहिलो दिन आज आइतबार बजार परिसूचक नेप्से बढेको छ । आज नेप्से सूचक ४.५१ अंकले बढेर १६२२.३२ को उचाईमा पुगेको छ । आज कारोबारमा आएका १६५ कम्पनीका शेयर खरिद बिक्रिबाट ८१ करोड ५१ लाख ६४ हजार ८ सय ३६ रुपियाँ बराबरको कारोबार भएको छ ।
आज नबिल बैंकको सबै भन्दा धेरै ५ करोड ५२ लाख बराबरको कारोबार भएको छ । आज नै ४८ प्रतिशत लाभांश गरेकोले बैंकको कारोबार उच्च भएको हो ।
अन्य बढी कारोबार हुनेमा सिटिजन्स बैंक, प्राइम लाइफ इन्स्योरेन्स, एनआईसी एसिया, स्ट्याण्डर्ड चार्टर्ड बैंक लगायत रहेका छन् ।
आज कारोबारमा आएका समूहगत सूचक मध्ये फाइनान्स, इन्स्योरेन्स र अन्य समुह बाहेकका सबै सूचक बढेका छन् ।
आज सिर्जना फाइनान्स, हिमालयन पावर पार्टनर, स्वरोजगार लघुवित्त, समिट माइक्रोफाइनान्स, र हिमालयन डिस्टिलरीको शेयर मूल्य १० प्रतिशतले बढेका छन् ।
आज गुमाउनेमा नबिल ब्यालेन्स फण्ड १, जनरल फाइनान्स अगाडी रहेका छन् ।