सिन्धु विकास बैंकले गत आर्थिक वर्षको अपरिस्कृत वित्तीय विवरण प्रकाशित गरेको छ । बैंकले आर्थिक बर्षको चौथो त्रैमाससम्ममा ४ करोड ३५ लाख रुपैयाँ खुद मुनाफा आर्जन गरेको छ । अघिल्लो आर्थिक बर्ष ०७४/७५ को सोही अवधिमा बैंकले १ करोड ९९ लाख खुद मुनाफा कमाएकोमा गत आर्थिक बर्ष बैंकको नाफा ११८.४८ प्रतिशतले बढेको हो ।
समिक्षा अवधिमा बैंकले २ अर्ब ६१ करोड ६१ लाख निक्षेप संकलन गरेको छ । अघिल्लो आर्थिक वर्षको सोही अवधिमा बैंकले २ अर्ब २७ करोड ४७ लाख रुपैयाँ निक्षेप संकलन गरेको थियो । उक्त अवधिमा बैंकको कर्जा लगानी २८.६१ प्रतिशतले बढेर २ अर्ब २ करोड ७ लाख पुगेको छ । अघिल्लो आर्थिक वर्षको सोही अवधिमा बैंकले १ अर्ब ५७ करोड ११ लाख कर्जा लगानी गरेको थियो ।
बैंकको मुख्य आम्दानीको स्रोत मानिने खुद ब्याज आम्दानी २१.४६ प्रतिशतले बढेर १३ करोड ७२ लाख पुगेको छ । अघिल्लो आर्थिक वर्षको सोही अवधिमा बैंकको खुद ब्याज आम्दानी ११ करोड ३० लाख थियो । हाल बैंकको चुक्ता पुँजी ५० करोड रुपैयाँ रहेको छ, भने जगेडा कोषमा ४ करोड ७४ लाख रुपैयाँ रहेको छ ।
खराब कर्जा १.६३ प्रतिशत रहेको बैंकको मुल्य आम्दानी अनुपात १७.०२ गुणा, प्रतिशेयर नेटवर्थ १ सय २० रुपैयाँ ६७ पैसा, प्रति शेयर आम्दानी ८ रुपैयाँ ४६ पैसा, आधार ब्याजदर ११.९४ प्रतिशत, कोषको लागत ७.७३ प्रतिशत, पुँजी पर्याप्तता अनुपात २४.६६ प्रतिशत, ब्याजदर अन्तर ६.०५ प्रतिशत र सीसीडि ६३.५१ प्रतिशत रहेको छ ।
