नेशनल लाइफ इन्स्योरेन्सले गत आर्थिक वर्षको चौथो त्रैमासको वित्तीय विवरण प्रकाशित गरेको छ । यस अवधिमा जीवन बीमा कम्पनीको मुख्य सूचक मानिने बीमा शुल्क बढाउन सफल भएको छ । इन्स्योरेन्सले गत आर्थिक वर्षको चौंथो त्रैमास सम्ममा ९ अर्ब ११ करोड ४० लाख ७९ हजार रुपैयाँ खुद बीमा शुल्क संकलन गरेको छ । अघिल्लो आवको सोही अवधिमो तुलनामा १६.८४ प्रतिशत बढी हो ।
अघिल्लो आर्थिक वर्षको यसै अवधिमा इन्स्योरेन्सले ७ अर्ब ८० करोड २ लाख ४६ हजार रुपैयाँ खुद बीमा शुल्क संकलन गरेको थियो ।
यस अवधिमा कम्पनीको खुद बीमाशुल्कसंगै खुद नाफा पनि बढेको छ । यस अवधिमा इन्स्योरेन्सले ३९ करोड १२ लाख रुपैयाँ खुद नाफा आर्जन गरेको छ । यो अघिल्लो आर्थिक वर्षको यहि अवधिको तुलनामा १६ दशमलव ३२ प्रतिशतले बढी हो । कम्पनीको यो नाफा बीमांकीय मूल्याङ्कपछि फेरबदल हुन सक्छ । अघिल्लो आर्थिक वर्षको चौंथो त्रैमासमा इन्स्योरेन्सले ३३ करोड ६३ लाख रुपैयाँ खुद नाफा आर्जन गरेको थियो ।
३ अर्ब ८ करोड २६ लाख २६ हजार ५४८ रुपैयाँ चुक्ता पुँजी रहेको इन्स्योरेन्सको जगेडा कोषमा १ अर्ब ३ करोड ६१ लाख ८१ हजार ७७२ रुपैयाँ रहेको छ । जीवन बीमा कोषमा ३३ अर्ब ७२ करोड १६ लाख १० हजार ७३४ रुपैयाँ रहेको छ । त्यस्तै, इन्स्यारेन्सको महा विपत्ती जगेडामा २७ करोड ८९ लाख २४ हजार ४५८ रुपैयाँ रहेको छ ।
इन्स्योरेन्सको प्रतिसेयर आम्दानी १६ रुपैयाँ ९२ पैसा रहेको छ भने प्रतिसेयर नेटवर्थ १३३ रुपैयाँ ६१ पैसा रहेको छ ।
