हकप्रद निष्काशन प्रयोजनार्थ आईएमई जनरल इन्स्योरेन्सले बुक क्लोज मिति तय गरेको छ । कम्पनीले हकप्रद निष्काशनको लागि मंसिर ९ गते बुक क्लोज गर्ने निर्णय गरेको हो । मंसिर ६ गतेसम्म कायम शेयरधनीले मात्र हकप्रद भर्न सक्ने छन् ।
कम्पनीले १० बराबर ८ अनुपातमा ४३ करोड २० लाख रुपैयाँ बराबरको ४३ लाख २० हजार कित्ता हकप्रद सेयर विक्री गर्न लागेको हो । इन्स्योरेन्सको सेयर निष्काशन तथा बिक्री प्रबन्धक ग्लोबल आईएमई क्यापिटल रहेको छ ।
हाल कम्पनीको चुक्ता पुंजी ५४ करोड रहेको छ । हकप्रद निष्काशनपछि कम्पनीको चुक्ता पुंजी ९७ करोड २० लाख रुपैंया पुग्नेछ ।