मिथिला लघुवित्त Mithila Laghubitta Bittiya Sanstha Limited को हकप्रद सुरक्षित गर्ने आज अन्तिम दिन रहेको छ । कम्पनीले हकप्रद निष्काशनको लागि माघ १ गते बुक क्लोज गर्ने निर्णय गरेकोले आज पुस ३० गते सम्म कायम शेयरधनीले मात्र कम्पनीको हकप्रद पाउन सक्ने छन ।
कम्पनीले २:१ को अनुपातमा ५० प्रतिशतको दरले ३ करोड २९ लाख ८८ हजार ९ सय ६९ रुपैयाँ बराबरको ३ लाख २९ हजार ८ सय ८९ दशमलव ९० कित्ता हकप्रद शेयर निष्काशन गर्न लागेको हो । धितोपत्र बोर्डले पुस १३ गते कम्पनीलाई शेयर निष्काशनको अनुमति दिएको हो । हकप्रद निष्काशनको लागि काठमाडौँ क्यापिटल मार्केट्स लिमिटेड बिक्रि प्रबन्धक रहेको छ ।
हाल कम्पनीको चुक्ता पुंजी ६ करोड ५९ लाख रहेको छ । कम्पनीले गत आर्थिक बर्षको मुनाफाबाट १०.४५ प्रतिशत बोनस वितरण गर्ने घोषणा गरेको छ ।