मिथिला लघुवित्त Mithila Laghubitta Bittiya Sanstha Limited ले आज माघ १७ गतेदेखि हकप्रद निष्काशन बिक्रि खुला गरेको छ । कम्पनीले २:१ को अनुपातमा ५० प्रतिशतको दरले ३ करोड २९ लाख ८८ हजार ९ सय ६९ रुपैयाँ बराबरको ३ लाख २९ हजार ८ सय ८९ दशमलव ६९ कित्ता हकप्रद शेयर निष्काशन गर्न लागेको हो । धितोपत्र बोर्डले पुस १३ गते कम्पनीलाई शेयर निष्काशनको अनुमति दिएको हो । हकप्रद निष्काशनको लागि काठमाडौँ क्यापिटल मार्केट्स लिमिटेड बिक्रि प्रबन्धक रहेको छ ।
कम्पनीले हकप्रद निष्काशनको लागि माघ १ गते बुक क्लोज गर्ने निर्णय गरेकोले पुस ३० गते सम्म कायम शेयरधनीले मात्र कम्पनीको हकप्रद पाउन सक्ने छन । फागुन २२ गतेसम्म हकप्रद भर्न सकिने कम्पनीले जनाएको छ । बिक्रि प्रबन्धक काठमाडौँ क्यापिटलको कार्यालय कमलादी , मिथिला लघुवित्तका सम्पूर्ण शाखा कार्यालयहरु र आश्वा सदस्य बैंक तथा वित्तीय संस्थाबाट हकप्रद भर्न सक्ने छन् ।
हाल कम्पनीको चुक्ता पुंजी ६ करोड ५९ लाख रहेको छ ।