प्रुडेन्सियल इन्स्योरेन्स Prudential Insurance Company Limited को ६० प्रतिशत हकप्रद सेयर आज फागुन १८ गतेदेखि विक्री खुला भएको छ । कम्पनीले चुक्ता पूँजीको १०ः६ को अनुपातमा ६० प्रतिशत हकप्रद शेयर जारी गरेको हो ।
कम्पनीले माघ २६ गतेसम्म कायम सेयरधनीहरुलाई ३८ लाख ४९ हजार १ सय २० कित्ता हकप्रद शेयर निष्काशन गरेको छ । हाल कम्पनीको चुक्ता पुंजी ६४ करोड १५ लाख २० हजार रहेकोमा हकप्रद शेयर जारी पश्चात कम्पनीको चुक्ता पूँजी १ अर्ब २ करोड ६४ लाख ३२ हजार हुनेछ ।
लगानीकर्ताले चैत्र २३ गतेसम्म हकप्रद भर्न सक्ने छन् । हकप्रद निष्काशनको लागि एनएमबि क्यापिटल बिक्रि प्रबन्धक रहेको छ । कम्पनीले हकप्रद निष्काशनको लागि माघ २७ गते बुक क्लोज गरेको थियो ।
